Guest Review Ramadan 2018 Tareek

طريق – الحلقة 30

Screen Shot 2018-06-15 at 12.18.57 PM.png

إذ افاتتكم الحلقة يمكنكم مشاهدتها أونلاين

الحلقة 30 على الطريق الصحيح

…مشواري علّمني إنو طريق العقل الإنسان بيختارو

…مشواري علّمني إنّو طريق القلب بيستدلّ عليك وبيكمشك كمش

ويمكن تمشو متلنا بطريق كلّا ألوان وقصص غريبة وتتمسّكو كل واحد بأفكارو وقراراته، بس رح ييجي نهار والأفكار تثقل، وتفلت منكن وساعتها بس ورغم كل الإختلافات وانتو يلي كنتو ضد كل التنازلات، رح تلاقو انو العقل والقلب صارو صحاب والمشوار رح يكمّل، ورح تروحو سوا على مطرح بالحياة بيلبقلكن. رح ترجعوا عالأصل، مطرح ما كل هالدنيي بديت: عالحب. رح تمشوا سوا وتوصلوا ع نفس الطريق

بإختصار
أفضل حلقة على الإطلاق! مسلسل دسم، قضيّة جابر قرّبته من أميرة. إخلاص أميرة لزوجها رغم كل المشاكل والإختلافات الثقافية والإجتماعيّة. أما شخصية جابر فهي محببة وقريبة الى القلب وأي شخص ممكن أن يحبّه بكل سهولة، لذلك لم تكن تصرّفات أميرة معه من قبل منطقيّة. ولكن في هذه الحلقة، كأنّها استدركت أنّها ظلمته بتصرّفاتها مما أعاد الأحداث الى مسارها الطبيعيّ

أفضل عبارة
أو عبارات

“دوّرت ع حدا يحملني انا وهمي ما لاقيت غيرك! إختي إمّي مو مهمّ، المهم انو ما إلي غيرك، وعنجد بتحبيني”

“ما بعرف لا لف ولا دور، اللي بحسّ لازم أعملوا بعملوا. أنا بوثق بالعالم الحوليّ وما بتخترلي النوايا العاطلة”

ليش عم بتكابري ع حالك أميرة؟
أنا بعتذر اذا أذيتك من دون ما انتبه، بعتذر اذا طموحي وشغلي كانوا أهم من هيدا الزواج.   يمكن لتهيت كتير بحياتي ونسيت انك بحياتي! بس أنا ما كان قصدي. ما بعرف شو السبب أنا ولا انت… بس أنا حاولت

قدّيش انت بدك تضلي عم تشتغلي؟ لأيمتى بدك تضلّك رايحة جايي عالمحاكم؟ 10 سنين؟ 20 سنة؟ بالأخير بدك ترجعي على بيتك وحيدة، وأنا هي جرّبتها القعدة بين 4 حيطان، الوحيد بالبيت، الحيطان بتطحنو طحن

أفضل مشهد
الحوار الكامل بين جابر وأميرة… الذي انتهى بمصالحة مع أنفسهم ومع بعضهم

أفضل رسالة من هذا المسلسل
رغم الإغراءات الكثيرة التي تعرّضت لها أميرة، لم تفكّر يوماً أن تخون زوجها

حتى لو كان الإنسان جاهلاً أو غير متعلّم، يمكنه من خلال أخلاقه وقيمه ونفسيّته أن ينجح ويكون شخصيّة مميّزة في المجتمع

المرأة في المجتمع لديها حقوق، من دون أي شكّ، مثلها مثل الرجل. ولكن في العلاقة بين الرجل والمرأة هناك أمور أهمّ بكثير من الحقوق التي لا ننفي أنّها أساسية، هناك المشاعر والتفاهم والتأقلم والوفاء والإلتزام والتعاون والرفقة… كل هذه الأمور التي تجعل هذا الزوج ناجحاً وسعيداً في طريقه

أفضل أداء تمثيلي
عابد فهد ونادين نجيم وكل ممثّل شارك في هذا العمل، ودون استثناء

في الختام
المسلسل رائع رائع رائع ونهايته عادلة ومنطقيّة وايجابيّة، تعطي الأمل بمستقبل أفضل رغم كل المشاكل التي تعرّضت لها الشخصيات

Star Ratings

Share Your Thoughts